Pīpī Kiwi

He pukapuka māhaki tēnei mā te hunga rīriki. He tino ātaahua ngā whakaahua muramura o ngā kiwi pīwari, tae atu ki te mokomoko e korikori haere ana i tā rāua taha. Kua āta whakaarohia te kōwhiringa tae kia ruarua, kia kitakita hoki hei kawe i te wairua o ngā kiripuaki me te ao o te tamaiti - he tino pukapuka tēnei mō te whānau e tatari ana kia puta mai he tamaiti hōu ki te ao. Kei roto i ōna kupu te kaupapa e whakamārama ana i ngā mahi ngahau kei mua i te kaipānui me te kukune ā muri i tōna whānautanga mai, kia manawanui ia ki te tatari, ā, ko te kī whakamutunga kia poipoia ki te aroha. He rawe tēnei.

Ko mokomoko tōku tino o roto i tēnei pukapuka, he kiripuaki iti e kīnaki ana i te kōrero matua mā āna korikoringa pīwari e tāwhai ana i ā Kiwi Iti. Kāre e kore, he hua huatau tēnei pukapuka hei whāngai i ā tātou ake pīpī paopao.

Title: Pīpī Kiwi

Author & Illustrator: Helen Taylor

Translator: Hēni Jacob

Publisher: Puffin

ISBN: 978-0-14-377468-6

RRP: $19.99

Format: Uhi ngohe

Date of Publication: 2020

Ages: 2-7

Do you have any advisory warnings for this book? Kāo

Reviewer: Makaira Waugh, kaiako toi Māori, ringatoi hoki, kei Te Kura Tuatahi o Hokitika e whakaako ana i tēnei wā.

How are you recommending this book? E tino taunaki ana au.

What’s the book’s opening sentence? I tētahi rangi ka oho a Kiwi Iti, ka kite i tētahi hanga rerekē.

You can buy this book here