Tangi ana te pere

He kaupapa hūmārie kei te pukapuka nei. Kitea ai te wairua o Māui-tinihanga, o Māui-nuka-rau e ōna uri ririki e pītakataka nei i roto i ngā akomanga ā-kura huri noa i te motu. Engari he mea kōhete anō rātou ki tēnei pakiwaitara? Ehara. He rautaki nanakia anō kei te whatunga kōrero e tiakina ai te mana o ngā kiripuaki ringa raweke kia whakahokia te taonga i kaiātia e rātou. Nō reira, e ariari mai ana ā tātou tamariki haututū me ngā pāhake atawhai i roto i tēnei pukapuka, ā, he wairua Māori anō kei te ia o tōna kōrero - inā hoki te ātaahua.

I tua atu i te mana o ō tātou kuia ki te poipoi tamariki, he huhua ngā āhuatanga papai o te pukapuka i eke panuku ai ki ōku whakaaro. He rawe te takoto o ngā kupu huarite kia ngāwari, kia pārekareka hoki, ā he pukapuka i puta reo Māori mai me tōna rerehua. He tino kōrero anō hoki kei ngā whakaahua pīwari a te ringa rehe o Andrew Burdan e whakaari nei i

te kaupapa matua kei tua i ngā kupu - te mahi hīanga a ngā tūrehu. He kai mōmona tēnei taonga mā kanohi, mā taringa, mā ngākau hoki.

Title: Tangi ana te pere

Author: Maxine Hemi

Illustrator: Andrew Burdan

Publisher: Huia

ISBN: 978-1-77550-302-6

RRP: $20

Format: paperback

Date of Publication: Whiringa ā nuku 2016

Ages: all ages

Do you have any advisory warnings for this book? Kāo

Reviewer: Makaira Waugh, kaiako toi Māori, ringatoi hoki, kei Te Kura Tuatahi o Hokitika e whakaako ana i tēnei wā

How are you recommending this book? E tino taunaki ana au!

What’s the book’s opening sentence? Tangi ana te pere i ngā Mane, kua hou atu ki te kura; Ko ētahi kei te hīteki, ko tētahi kei runga puruma.

You can buy this book here