Te Pohū

Ka pai aku whakaaro mo tēnei pukapuka “Te Pohū” nā te mea kua taunga te nuinga o ngā tamariki o Aotearoa ki tēnei kaupapa, te mahi pohū. Ahakoa kei te mōhio ngā tamariki i te kupu ‘manu’ mō te pohū, kei tēnei pukapuka ētahi kupu hou mō te pohū i te reo Maori, pēnei i ‘te kāwhena’ me ‘te pātara”. E tautoko pai ana tōna kaupapa i te ako kaukau a ngā kura, i te whakamāia hoki i ngā tamariki whakamā, mataku rānei ki te peke rō wai.

Tino rangona te reo o te kiripuaki o te pūrākau, ā he tamaiti, he horopaki tūturu nō te ao tamariki tonu i a ia e kimi rautaki ana ki te whakatūtuki i tōna whāinga. Piki mai, heke mai, ka puta te wairua motuhake o te autaia nei ki te ao mārama i roto i ngā piko o te pūrākau.

Nā ngā pikitia muramura, ngā korero arotau me ngā āhuatanga hoahoa, he pukapuka tau tēnei mō te tamaiti. He pārekareka rawa te whai i ngā whakaāhua, ā tino kitea te ngākau o te kiripuaki i roto, e rite ana ki ētehi tamariki o tō mātou kura te āta waihanga mahere, te tū toa ki te ao. Kata ana i te titiro, koa ana i te pānui.

He pakari te hanga o te pukapuka nei, he māia tōna kōpaki, he pai hoki te piri o ngā wharangi.

Title: Te Pohū

Author: Sacha Cotter

Illustrator: Josh Morgan

Translator: Kawata Teepa

Publisher: Huia

ISBN: 978-1-7750-351-4

RRP: $23

Format: Paperback

Date of Publication: 2018

Ages: 4-10 yrs

Reviewer’s name: Ngā Kaiako o Te Arā Whanui Kura Kaupapa Māori

Reviewer’s School name: Te Arā Whanui Kura Kaupapa Māori o Ngā Kōhanga Reo o Te Awa Kairangi

How highly are you recommending this book? Highly recommended

First sentence: Ko tōku tino hiahia kia tutuki I ahau te pohū paruhi rawa atu.

You can buy this book here